ಶಿಸ್ತಿನ ಇಲಾಖೆಯಲ್ಲಿ ಕರ್ತವ್ಯ ನಿರ್ವಹಿಸುತ್ತಾ, ಕ್ರೀಡಾ ಲೋಕದಲ್ಲೂ ಮಿಂಚುತ್ತಿರುವ ನಮ್ಮ ಹೆಮ್ಮೆಯ ಪೊಲೀಸ್ ಅಧಿಕಾರಿಯೊಬ್ಬರು ಈಗ ರಾಷ್ಟ್ರಮಟ್ಟದಲ್ಲಿ ಸದ್ದು ಮಾಡುತ್ತಿದ್ದಾರೆ. ಹೌದು, ಬೆಂಗಳೂರಿನ ಯಶವಂತಪುರದ ನಿವಾಸಿಯಾದ ಪಿ.ಎಸ್.ಐ ರಾಜೇಂದ್ರ ಸಿಂಗ್ ಅವರು ಜಮ್ಮು ಮತ್ತು ಕಾಶ್ಮೀರದಲ್ಲಿ ನಡೆದ ಪ್ರತಿಷ್ಠಿತ ಕ್ರೀಡಾಕೂಟದಲ್ಲಿ ಎರಡು ಬೆಳ್ಳಿ ಪದಕಗಳನ್ನು ಮುಡಿಗೇರಿಸಿಕೊಳ್ಳುವ ಮೂಲಕ ರಾಜ್ಯಕ್ಕೆ ಕೀರ್ತಿ ತಂದಿದ್ದಾರೆ.
ಜಮ್ಮು ಮತ್ತು ಕಾಶ್ಮೀರದಲ್ಲಿ ನಡೆದ 2ನೇ ಅಖಿಲ ಭಾರತ ಪೊಲೀಸ್ ಕಬಡ್ಡಿ ಕ್ಲಸ್ಟರ್ ಚಾಂಪಿಯನ್ಷಿಪ್ 2025-26 ರ ಫೆನ್ಸಿಂಗ್ ಕ್ರೀಡೆಯಲ್ಲಿ ಎರಡು ಬೆಳ್ಳಿ ಪದಕಗಳು.
ಎಂ.ಕಾಮ್ ಪದವೀಧರರಾದ ಇವರು, ಈ ಹಿಂದೆ ‘ಬಾಷ್’ ಸಂಸ್ಥೆಯಲ್ಲಿ ಕಾರ್ಯನಿರ್ವಹಿಸುತ್ತಿದ್ದರು. 2023ರಲ್ಲಿ ಕ್ರೀಡಾ ಕೋಟಾದ ಅಡಿಯಲ್ಲಿ ಪೊಲೀಸ್ ಇಲಾಖೆಗೆ ನೇಮಕಗೊಂಡವರು.
ಬೆಂಗಳೂರಿನ ಪ್ರತಿಷ್ಠಿತ ವಿಧಾನಸೌಧ ಪೊಲೀಸ್ ಠಾಣೆಯಲ್ಲಿ ಪಿ.ಎಸ್.ಐ (PSI) ಆಗಿ ಕರ್ತವ್ಯ ನಿರ್ವಹಣೆ.
ಈ ಚಾಂಪಿಯನ್ಷಿಪ್ ಕೇವಲ ರಾಜ್ಯಗಳ ನಡುವಿನ ಸ್ಪರ್ಧೆಯಾಗಿರಲಿಲ್ಲ. ಇಲ್ಲಿ ಎಸ್ಎಸ್ಬಿ (SSB), ಸಿಆರ್ಪಿಎಫ್ (CRPF), ಸಿಐಎಸ್ಎಫ್ (CISF) ಮತ್ತು ಬಿಎಸ್ಎಫ್ (BSF) ನಂತಹ ದೇಶದ ಪ್ರಬಲ ಕೇಂದ್ರ ಭದ್ರತಾ ಪಡೆಗಳ ಒಟ್ಟು 32 ನುರಿತ ಕ್ರೀಡಾಪಟುಗಳು ಕಣದಲ್ಲಿದ್ದರು.
ಪ್ರಬಲ ಎಸ್ಎಸ್ಬಿ (SSB) ತಂಡದ ವಿರುದ್ಧ 15-12 ಅಂಕಗಳ ರೋಚಕ ಜಯ.ಸಿಐಎಸ್ಎಫ್ (CISF) ವಿರುದ್ಧ 15-13 ಅಂಕಗಳ ಅಂತರದಲ್ಲಿ ಗೆಲುವು ಸಾಧಿಸಿ ಫೈನಲ್ ಪ್ರವೇಶ.
ಈ ಯಶಸ್ಸಿನ ಹಿಂದೆ ಅವರ ಕೋಚ್ ಇರೋಮ್ ದೆಬನ್ ಸಿಂಗ್ (Irom Deban Singh) ಅವರ ಮಾರ್ಗದರ್ಶನ ಹಾಗೂ ಕುಟುಂಬದ ಬೆಂಬಲವಿದೆ. ವಿಶೇಷವಾಗಿ ಅಂತರರಾಷ್ಟ್ರೀಯ ಫೆನ್ಸರ್ ಆಗಿರುವ ಅವರ ಚಿಕ್ಕಪ್ಪ ಶಶಿಧರ್ ಸಿಂಗ್ ಅವರು ರಾಜೇಂದ್ರ ಸಿಂಗ್ ಅವರಿಗೆ ದೊಡ್ಡ ಪ್ರೇರಣೆಯಾಗಿದ್ದಾರೆ.
ಈ ಹಿಂದೆ ದಕ್ಷಿಣ ಏಷ್ಯಾ ಚಾಂಪಿಯನ್ಷಿಪ್ನಲ್ಲಿ ಭಾರತವನ್ನು ಪ್ರತಿನಿಧಿಸಿ ಚಿನ್ನದ ಪದಕ ಗೆದ್ದಿದ್ದ ರಾಜೇಂದ್ರ ಸಿಂಗ್, ಈಗ ಪೊಲೀಸ್ ಇಲಾಖೆಯಲ್ಲೂ ತನ್ನ ಕ್ರೀಡಾ ಸೌರಭವನ್ನು ಪಸರಿಸುತ್ತಿದ್ದಾರೆ. ಈ ಸಾಧಕನಿಗೆ ಬೆಂಗಳೂರು ನಗರ ಪೊಲೀಸ್ ಆಯುಕ್ತಾರಾದ ಶ್ರೀ ಸೀಮಂತ್ ಕುಮಾರ್ ಸಿಂಗ್ ಐಪಿಎಸ್, ಕರ್ನಾಟಕ ಪೊಲೀಸ್ ಇಲಾಖೆ, ಮಾಧ್ಯಮ ಮಿತ್ರರು ಹಾಗೂ ಕ್ರೀಡಾಭಿಮಾನಿಗಳಿಂದ ಅಭಿನಂದನೆಗಳ ಮಹಾಪೂರವೇ ಹರಿದುಬರುತ್ತಿದೆ.
With JOHN PREM.J -Managing Director -CREDOPRESSMEDIA PVT LTD
